Aplikacioni Family Link nga Google i ndihmon prindërit të qëndrojnë të informuar ndërkohë që fëmija ose adoleshenti i tyre eksploron në pajisjen e vet Android dhe i lejon prindërit të caktojnë disa rregulla dixhitale bazë për familjen e tyre.

Së pari, një fëmijë/adoleshent do të ketë nevojë për një pajisje të përputhshme (shiko se cilat pajisje punojnë me Family Link). Më pas prindërit mund të fillojnë duke shkarkuar Family Link në pajisjen e tyre (Android ose iPhone).

Nëse një fëmijë/adoleshent ka tashmë një llogari, Family Link do ta drejtojë prindin në procesin e lidhjes së llogarisë së tij me llogarinë e fëmijës së vet. Si pjesë e atij procesi, fëmija/adoleshenti mund të jetë e nevojshme të shkarkojë po ashtu aplikacionin Family Link (fëmija/adoleshenti) në telefonin e tij për të përfunduar procesin e lidhjes së llogarive.

Prindërit mund të përdorin po ashtu Family Link për të krijuar një "Llogari të Google" për fëmijën e tyre nën moshën 13 vjeç (ose mosha e zbatueshme në shtetin tënd). Pas përfundimit, fëmijët mund të identifikohen në pajisjen e tyre me llogarinë e tyre të re.

Pasi të jenë lidhur llogaritë, prindërit mund të përdorin Family Link për t'i ndihmuar të bëjnë gjëra të tilla si p.sh. të monitorojnë kohën para ekranit dhe të menaxhojnë përmbajtjet që përdorin ata.

Jo. Family Link nuk i bllokon përmbajtjet e papërshtatshme, por disa aplikacione mund të kenë opsionet e tyre të filtrimit. Aplikacione të caktuara të Google si "Kërko" dhe Chrome kanë opsione filtrimi që mund t'i gjesh në Family Link. Për prindërit e adoleshentëve të moshës 13 vjeç e lart, "Modaliteti i kufizuar" në YouTube është një cilësim opsional që mund të përdoret për të ndihmuar në filtrimin e përmbajtjeve që mund të jenë për të rriturit. Ki parasysh se këta filtra nuk janë të përsosur, kështu që ndonjëherë mund të kalojnë përmbajtje të papërshtatshme, grafike ose përmbajtje të tjera që mund të mos dëshirosh që t'i shikojë fëmija yt. Ne rekomandojmë që të rishikosh cilësimet e aplikacioneve, si dhe cilësimet dhe veglat që ofron Family Link, për të vendosur se çfarë është e përshtatshme për familjen tënde.

Po. Prindërit mund të ekzekutojnë Family Link në pajisjet Android ku ekzekutohet KitKat (4.4) dhe versione më të larta.

Po. Prindërit mund ta ekzekutojnë Family Link në iPhone me iOS 11 dhe versione më të larta.

Prindërit mund të menaxhojnë disa nga cilësimet e llogarisë së fëmijës së tyre në një shfletues uebi. Funksionet e tjera, si p.sh. caktimi i kufijve për kohën para ekranit, kërkojnë që prindërit të kenë aplikacionin Family Link në Android ose iOS.

Për rezultate më të mira, ne rekomandojmë që fëmijët ose adoleshentët të përdorin pajisje Android që ekzekutojnë versionin 7.0 (Nougat) ose versione më të larta. Pajisjet me versionet e Android 5.0 dhe 6.0 (Lollipop dhe Marshmallow) mund të arrijnë po ashtu të ekzekutojnë Family Link. Për të mësuar më shumë, shiko Qendrën tonë të ndihmës.

Fëmijët dhe adoleshentët mund të identifikohen në "Llogarinë e tyre të Google" në pajisjet Chromebook. Prindërit mund të bëjnë gjëra të tilla si p.sh. të menaxhojnë pajisjen Chromebook të fëmijës së tyre dhe cilësimet e llogarisë, si dhe të caktojnë kufizimet për sajtet e uebit. Mëso më shumë këtu.

Fëmijët dhe adoleshentët mund të identifikohen në "Llogarinë e tyre të Google" në pajisjet iOS dhe në shfletuesit e uebit me pëlqimin e prindit të tyre. Prindërit mund të vazhdojnë të menaxhojnë disa nga cilësimet e llogarisë së fëmijës së tyre dhe ato cilësime do të zbatohen kur fëmija është i identifikuar dhe përdor aplikacionet dhe shërbimet e Google në një pajisje iOS ose në ueb. Funksionet e tjera në aplikacionin Family Link, si p.sh. menaxhimi i aplikacioneve që mund të përdorin fëmijët e tu dhe caktimi i kufijve për kohën para ekranit, nuk do t'u ofrohen prindërve kur fëmija përdor një pajisje iOS ose kur është i identifikuar në ueb. Mëso më shumë për identifikimin e fëmijëve/adoleshentëve në pajisjet iOS dhe shfletuesit e uebit.

Duhet të planifikosh të harxhosh rreth 15 minuta për të konfiguruar "Llogarinë e Google" dhe pajisjen Android të fëmijës tënd.

Jo. Varet nga ti që të vendosësh se kur fëmija yt është gati për telefonin ose tabletin e tij të parë Android.

Po. Shërbimet e Google mbështeten nga reklamat dhe fëmija yt mund të shikojë reklama kur përdor produktet tona.

Po. Family Link mund të përdoret për të mbikëqyrur adoleshentët (fëmijët mbi moshën 13 vjeç ose moshën e zbatueshme të pëlqimit në shtetin tënd). Ndryshe nga fëmijët nën moshën e pëlqimit, adoleshentët kanë aftësinë për ta ndaluar mbikëqyrjen në çdo kohë, por nëse e bëjnë këtë, ti do të njoftohesh dhe pajisjet e tyre do të kyçen dhe do të bëhen përkohësisht të papërdorshme.

Jo. Llogaritë e dhëna nëpërmjet punës ose shkollës nuk mund të përdoren për të menaxhuar një grup të familjes. Mund të përdorësh një "Llogari të Google" personale, si p.sh. llogarinë tënde të Gmail, me Family Link.

Ky kufizim na ndihmon të mirëmbajmë sjellje të rëndësishme për produktin. Për shembull, nëse një llogari tjetër do të ishte e pranishme në pajisje, fëmijët mund të kalojnë tek ajo llogari për të shkarkuar aplikacione nga Play pa miratimin prindëror.

Kur fëmija yt të mbushë 13 vjeç (ose moshën e zbatueshme në shtetin tënd), ai ka opsionin që të kalojë në një "Llogari të Google" normale. Përpara se një fëmijë të mbushë 13 vjeç, prindërit do të marrin një email që i njofton se fëmija i tyre do të jetë i përshtatshëm të marrë kontrollin e llogarisë së vet në ditëlindjen e tij, kështu që nuk mund ta menaxhosh më llogarinë e tij. Në ditën kur mbush 13 vjeç, fëmija mund të zgjedhë nëse dëshiron të menaxhojë "Llogarinë e vet të Google" apo të vazhdojë që një prind ta menaxhojë për të. Nëse fëmija yt zgjedh që të marrë kontrollin e llogarisë së vet, por ti dëshiron të jesh përsëri i informuar, veglat e mbikëqyrjes së Family Link mund të aktivizohen përsëri me aplikacionin Family Link (fëmija/adoleshenti) në pajisjen e tij. Për më shumë informacione, shiko Qendrën tonë të ndihmës.